Spilavin 2027

Spilavin er fjögurra daga spilahátíð sem haldin er á Hvolsvelli á hverju ári í kringum sumardaginn fyrsta, og árið 2027 verður hátíðin frá 22.-25. apríl. 

Spilasafnið kemur austur á miðvikudeginum og við erum byrjuð að setja upp um kvöldmatarleytið. Hátíðin byrjar formlega kl 9 á fimmtudagsmorgni en það er ekkert sem segir að þið getið ekki komið ykkur fyrir á hótelinu á miðvikudagskvöldinu og byrjað að spila.

Innifalið í miðaverðinu er:

• Aðgangur á hátíðina
• Aðgengi að spilasafninu
• Gos, sælgæti og snakk
• Viðburðir (pub quiz o.fl sem verður tilkynnt síðar).

Það sem er ekki innifalið er:

• Morgunmatur, hádegis- og kvöldmatur
• Áfengir drykkir
• Bingóspjöld fyrir bingóið á föstudagskvöldinu. Verð kr. 500 pr. spjald.

Áfengir drykkir eru seldir á barnum og er ekki leyfilegt að koma með eigin áfenga drykki á spilasvæðið. Slíkt ógildir miðann.

Gestir

Á hverju ári höfum við boðið erlendum gestum á hátíðina, til að lífga aðeins upp á stemminguna. Það verður engin breyting á því í ár! Gestirnir verða kynntir í nóvember, en við getum lofað að það eru engar smá kanónur! Tveir spilahönnuðir, einn efnisframleiðandi og amk. eitt borðspilafyrirtæki.